Lanbide Ekimenak - Iniciativas Profesionales - GERNIKA-LUMO (Norabidatzea)

Norabidatzea

Euskera
Castellano

NORABIDATZEA

Helburua: enplegua bilatzeko prozesuan laguntzea eta orientatzea erabakiak hartzeko garaian, zure "enplegatzeko aukerak" areagotzeko . Horretarako eskaintzen dizugu, beste zerbitzu batzuen artean, lanerako prestakuntza-ekintzetarako laguntza eta zeure negozioa sortzeko zerbitzua.

Zuzeneko arreta pertsonalaren bidez eta Informazio eta Komunikazio Teknologia Berriak erabilita, saiatzen gara langabeen edo lan baldintzak hobeto gura dutenen berariazko beharrei erantzutea. Horretarako, eskura ditugun baliabide guztiak biltzen ditugu.

Nola funtzionatzen dugu?

Plan pertsonal bat eskaintzen dizugu. Baita orientazioaren arloko profesionalen aholkularitza ere, lana aurkitu dezazun plan pertsonal bat adostuteko .

Horretarako aztertu egiten ditugu, alde batetik, zure egoera pertsonala, zure lanbide-kualifikazioa, zure lan esperientzia, zure interes eta lanbide itxaropena... ; eta bestetik, lan merkatuak eskaintzen dituen lan-aukerak zure interes eta gaitasunak kontutan izanda. Lan hori banakako elkarrizketen bidez egiten dugu.

Horrek bi konpromiso dakartza: batetik, orientazio-zerbitzua eskatzen duenaren konpromisoa, lana aurkitzeko berorren plan pertsonalean finkatu helburuekiko; eta orientatzailearen konpromisoa, lana aurkitzeko plana garatzean lan-eskatzaileari lagundu eta jarraipena egin.

Lana aurkitzeko plan pertsonala

Bakoitzaren beharren arabera, "enplegatzeko aukerak" hobetuko dituzten era askotako ekintzak bildu ahal izango dira lana aurkitzeko plan pertsonalean, besteak beste:

- Banakako edo taldeko ekintzak, zure burua hobeto ezagutzen eta enplegua lortzeko zure gaitasunetan sakontzen laguntzen dutenak.
- Banakako edo taldeko ekintzak, Komunikatzeko, talde-lanerako...zure trebeziak hobetuko dituztenak. Gaitasun horiek asko baloratzen dira produkzioaren ingurunean.
- Informazio- eta ezagutza-ekintzak, bai lan-merkatuaren funtzionamenduari buruzkoak , bai zure lanbide-helburuari lotutako lana bilatzeko teknika eraginkorretan prestatzekoak. Badugu ere enplegu-zentro bat, eta enpleguari buruzko web-orria eta atarietarako sarbidea. Horrek lagunduko dizu behar duzun informazioa lortzen, lana aurkitzeko zure plan pertsonala abiarazteko.
- Lan prestakuntzako banakako edo taldeko ekintzak , zure lanbide kualifikazioa hobetzeko: teorikoak, praktikoak edo enpresako ikaskuntza praktikokoak; komenigarriena izanez gero, prestakuntza lan-kontratu batekin partekatzeko aukerareka ere egon daiteke.
- Aholkularitza eta prestakuntza zure negozioa abiarazteko .

Aukera ematen dizugu izena eman dezazun Eusko Jaurlaritzako Enplegu Zerbitzuan, LANBIDEn, gu bertako lankideak baikara. Horrela parte hartzeko aukera izango duzu LANBIDE bidez langileak aurkitzeko zabaltzen diran prozesuetan.